متجيش على نفسك علشان خاطر الناس مع خربشة قلم اسماعيل محمد
احيانا بيجي عليك وقت فاجاه كده تلاقي نفسك فصلت …وقفت مكانك …بتسال نفسك …انا مين ؟وفين …وعملت ايه ..وليه …واذي ؟وبتيجي علي اهون سبب …وتلاقي نفسك اصلا مش عارف هو ايه اللي حصل علشان
توصل لده ،،،،رغم ان عده عليك كتير اوي اوي وكنت جبل واسد وضد الصدمات ومستحمل ولا اتهزيت ….
ليه دلوقتي ….في الوقت اللي كله شايفك عادي …وعادي جدا
ليه مش في الوقت اللي الكل كانت مستني كلامك …اعتراضك ….رفضك ….رد فعلك ….
ويفضل الحوار رايح جاي بينك وبين نفسك ….وتيجي الاجابه
تعبت 
مش قادر
خلااااااص ….كفايه بقي
هنا بقي بتبقي المشكله ….انك عايز تاخد نفسك وتروح بعييييييد اوي اوي
علشان تتصالحه وتصلح ما فسد بينك وبين نفسك
بس تبقي المشكله الكبري …مشكله الحياه ….
الناااااااس
الناس اللي مش هتسيبك في حالك …الناس اللي هتسال مالك …فيك ايه …متغير ليه …
النااااااس
الناس اللي مش هتفهم غير انك اتغيرت …بقيت حد تاني ….يمكن كمان في روايه احدهم تكون رخم …او ظالم …او او او
النااااااااس
اللي مش هيفهه انك محتاج تسكت شويه ….او تبكي ….حقك ….او تقول مش عايز اتكلم يا ناس حقي …
وساعتها 
هتلاقي انها جريمه وانه مش حقك …لا تتكلم ….ليحل عليك غضب الالهه
وتخرج من مشكلتك مع نفسك اللي متحلتش اصلا ….لمشكلتك مع الناس اللي حواليك
وهنا
لازم تضحك حتي لو مش قادر وموجوع
لازم تتكلم حتي لو السكات هو الحل الاكيد
بس علشان ترضي الناس ومتبقاش وحش واتغيرت في روايه احدهم 
الخلاصه 
متجيش علي نفسك علشان خاطر الناس …
ان لنفسك عليك حق
