مواقف جميله مع خربشة قلم اسماعيل محمد

النهاردة ف مترو المرج حصل موقف جميل عمرى ماهنساه ف حياتى موقف بسطنى وعلمنى كتير ، طالع طفل صغير بيبيع هاند فرى ف شاب لطيف كان جنبى قاله تعال يا معلم هات ٢ واحدة ليا وواحدة لأختي وقعد يهزر معاه والولد نزل مبسوط بعد ما الولد اللى كان بيبيع ده نزل فالشاب ده قالنا والله انا معايا هاند فرى ومعنديش اخوات بس كنت عايز أراضيه مش اكتر وهو بيتكلم جت واحدة بتبيع ولاعات ف واحد تانى بصلهوقاله انت مش احسن منى انا مش بدخن بس هاتيلى ٣ ولاعات المترو كله قعد يبص لبعضه والشاب اللى بدء الحوار ده مبسوط فبعدها طلعت بنت صغيرة معاها عسلية فبصتله وقولتله انت مش احسن منى انا كمان وقولتلها وزعى عسلية ع العربية كلها بقا ، وبعدها بقى اى حد بيطلع بيبيع اى حاجة العربية كلها بتشترى منه .الشاب ده وهو نازل قال لكل اللي ف المتروعايزين نجبر بخاطر بعض عشان ربنا يجبر بخاطرنا عايزين نعيش خُفاف عشان نروح لربنا خفاف⁦فيها مليون حاجه حلوة