أوعاك ياولدى …. مع خربشة قلم اسماعيل محمد

اوعاك ياولدي.. تجرح عزيز وبعدين تقوله معلش.. اصل معلش بعد الجرح متنفعش.. اوعاك تقسى القلوب وبعدين تطلب حنيه .. ماهى الحنيه بعد القسى متنطلبش .. اوعاك تشيّل منك النفوس وبعدين تطلب صفا.. النفوس عمرها ما هتصفي على نفسك ما تضحكش.. اوعاك توجع روح وبعدين تطبطب عليها.. يابني وجع الروح ألمه ميتوصفش.. إوعاك تخون اللي وثق فيك .. وبعدين تطلب الأمان .. اصل اللي يخون ميتأمنش.. سامحني ياولدي .. على قسوة كلامي ومتزعلش.. انا قصدي انصحك اصل النصيحه بعد الغلط مبتفدش