الحكايه في كلمتين .. مع خربشة قلم اسماعيل محمد

امتي تعرف انك مااااشي غلط لو بتحب شخص اوي ومتعلق بيه اوي وطول الوقت بتبذل مجهود علشان تفضل معاه من غير اي مقابل منه …يبقي اسمحلي انت كده ماااشي غلط لو في شخص مخليك طول الوقت حاسس انك ملكش وجود وانك قليل في نظره وبقيت تحس انك قليل في نظر نفسك كمان … يبقي اسمحلي انت كده مااااشي في الطريق الغلط لو في شخص وصلك انك تفقد احساس الامان وخايف من بكره ليجي وهو مش معاك يبقي انت كده مااااشي في الطريق الغلط لو وصلك انك تبقي خايف وهو جنبك وخايف منه مش عليه يبقي انت كده مااااشي في الطريق الغلط لو لقيت نفسك بتتنازل علي حاجه وراه حاجه علشان تفضل مع الشخص ده ومع كل تنازل بترخص عنده مش بتغلي تبقي كده مااااشي غلط الخلاصه … عمر احساس السعاده مبيكون موشر انك مااااشي صح ….اطلاقا ….والدليل طريق الادمان يبدا باحساس السعاده وينتهي بالموت من الاخر …. بص علي الطريق اللي انت مااااشي فيه ….لو اخرته هتكون لوحدك يبقي بلاش تمشي فيه اياكم وكسر الخواطر اجبروا الخواطر ولو بكلمه