الربان وسام هركي يكتب : ثورة ٣٠ يونيو

  في ذكري ٣٠ يونيو وجه الربان وسام هركي في برانامج خارج الصندوق حديثة للشعب و المسؤلين قائلاً

كل سنه و مصر و شعبها في أمن و آمان
بإيد جيشنا و شرطتنا و كافة أجهزتنا الامنية و بإيد الشعب.

كل سنه و الشعب المصري بيثبت للعالم أنه قادر علي كل التحديات الداخلية و الخارجية و الحروب الإقتصادية العالمية و الغلاء و الفساد و الأخطاء و التقصير.

كل سنه و الشعب المصري في تماسك و إصرار علي النهوض بالبلد عن طريق رفع التربية و التعليم و الصحه و زيادة الصناعه و الزراعه و وقف القروض و نحر الفساد و الفاسدين و تولي المتخصصين فقط كل مفاصل الدولة.

كل سنه و مصر بتثبت للعالم إننا حطمنا كل مخططات الأعداء و الخونه و الحاقدين.

كل سنه و أخواتنا بالجيش و الشرطة و كافه أجهزتنا الأمنية واقفين ضهر و سند للحفاظ علي الارض و الشعب.

و علي يقين أن السنه القادم يتحول الحال للأفضل بإذن الله و يكون عندنا إعلام نزيه يتكلم عن الإنجازات و الأخطاء و يطرح حلولها لحد ما تتحل
و يكونوا إعلاميين ليهم ثقل و ثقة و أسلوب و وجهه مشرفه لمصر ميكونوش سبب سخرية علي البلد و علي الإنجازات و علي المسؤلين عشان نرجع جزء كبير من الشعب اللي اصبح بيتفرج علي قنوات الاخوان الارهاب بسبب الفراغ الاعلامي اللي كان بسبب بعض الاعلاميين المتواجدين في الساحه.

و علي يقين ان الحكومة اللي جاية هتعدل من الاخطاء اللي فاتت
و هتكون مستمعه لنبض الشارع عشان تلبي رغباتهم و ترفع من وطنيتهم و حبهم للبلد
و علي يقين انها هتدرس قراراتها قبل ما هتقولها للشعب ، عشان الشعب ما يغضبش و نحافظ علي تماسكه و امن البلد.
و اكيد هتتكلم مع الشعب بأسلوب مختلف يخلي الشعب يقف معاها مش ضدها.
و علي يقين انها هترفع المرتبات ٦ الاف جمية زي ما وعدت عشان المواطن يعرف يعيش و نقدر نقلل الفساد.

و ما زلت علي يقين ان الحكومة اللي جاية هيكون في تناغم في العمل ما بينهم.

و اكيد هتعمل اجتماعات مع المتخصصين بكل قطاع عشان تشارك الشعب في كل الأمور.

و علي يقين ان الحكومة القادمة هيكون عندها شفافية مطلقة عشان الممواطن يقضر و يفهم و يقف مع الحكومة كتف في كتف.

و علي يقين ان الحكومة اللي جية هتحط حلول في أمور الفساد و السيطرة علي الأسعار بمراقبة الاسواق بجد مش كلام صحف عشان تكسب ثقة الشعب من جديد.

و علي يقين ان الحكومة اللي جاية هيكون فيها شخصيات قيادية قادرة علي تولي المهام بشكل ممتاز يبهر و يسعد الشعب المصري العظيم و يحقق مخطط الجمهورية الجديدة قبل ما نوصل لسنه ٢٠٣٠.

و علي يقين ان كل اللي بيتطاول علي البلد او إنجازاتها او مسؤلينها هيراجع نفسه و يقف جمب بلده من جديد
لان هي اللي أتربي و أتعلم و أشتغل و عايش فيها و من غيرها هنكون لاجيئين و مواطنين درجه تانيه في اي بلد تانية.

و علي يقين اننا هنفضل مكملين في البناء و التعمير للنهوض بالبلد و ان كل شرفاء الوطن هيفضلوا واقفين في ضهر البلد مهما حصل.

و علي يقين ان مصر هتفضل صاحبه قرارها حرة أبية مجبورة محفوظة منصورة من رب العالمين
و هترجع لمكانتها دولة عظمي من جديد.

و هتفضل ثورة ٣٠ يونيو هي ثورة العزه و الكرامة اللي التحم فيها الشعب مع الجيش و اتحررنا من جماعة إخوانية كان شغالة الشاغل هو السيطره علي البلد لغرض لمصلحه مخططات الاعداء.

و ان شاء الله السنه اللي جاية نحتفل و احنا سعداء و مجبورين و فخورين منصورين بعزيمة و عمل كل شرفاء الوطن المتخصصين المخلصين لتراب بلدنا.

و مليون سلام و تحية للشعب المصر العظيم و للقائد الأعلي لقواتنا المسلحه و جيشنا و شرطتنا و كافة أجهزتنا الأمنية.

حفظ الله مصر
حفظ الله الوطن

https://www.facebook.com/share/v/6iqzi3oNxAwr153L/?mibextid=w8EBqM&startTimeMs=1000