عايز اعرف امشي علشان اصرف علي امي واخواتي
اسلام يستغيث بالمسؤولين في سوهاج
كتبت فاتن رشوان
التقت التحرير اليوم بحاله
اسلام ١٧ عام يستغيث بالمسؤولين في سوهاج
يقول اسلام : انا مش عارف ابدا منين او ازاي بس محتاج من جميع من له قلب رحيم الانصات لي وعدم تجاوز كلامي لوجه الله
وتابع اسلام : انا عندي ١٧ سنه بدرس في مدرسة سياحه وفنادق طهطا والدي متوفي من زمان وعايش مع والدتي واختي وانا إللي قايم بيهم وبالبيت شغال ديلفري مع مطعم اولاد كامل بطهطا ..
من حوالي اربعين يوم كنت بوصل ديلفري تبع المطعم وقضاء الله ان تخبطني عربية ملاكي تسببت في سبع كسور مضاعفه في الساق الشمال بالكامل.. ..
وتابع اسلام انا عايش مع والدتي واختي في شقه ايجار علي البلاط حرفيا .. وأهل الخير اللي بيساهم بأدوات طبيه واللي بيساهم بعلاج واللي بيساهم بغيارات.
وقال اسلام اتحولت لمستشفي الجامعه سوهاج ..
ولكن للأسف حالتي خطيره جدآ وتستدعي،اهتمام طبي كبير جدا قد يفوق مستشفي الجامعه
مطلوب مني اهتمام طبي كبير وعمليات وان كان في اسيوط أو القاهره
واضاف إسلام : انا ماديا معنديش مقدرة للعلاج
علشان كده بطلب من السادة المسؤولين انهم يساعدوني علشان اقدر اقف على رجليا واصرف علي امي واختي إللي ملهمش حد غيري
وتابع اسلام : دراسيا انا مهدد بالفصل من المدرسة فبناشد وزارة التربية والتعليم انهم يمتحنوني في مكاني هنا لعدم استطاعتي
الرجاء من السادة المسؤولين مساعدة إسلام والوقوف بجانبه في محنته
