رسائل من ذهب مع اليوم العالمي للصداقة بقلم إسماعيل محمد
النهاردة اليوم العالمي للصداقة.. شكراً لكل صديق كان بيتلاقى قبل ما يتطلب، وبيفتح ودانه وقت ما غيره بيقفلوها، واللي كفة صاحبه عنده دايماً بتطب، وبتتلاشى معاه حدود بُعد المسافات والظروف والحجج والتلاكيك.. واللي جلجلة الضحكة مش بتخرج إلا في حضرته، واللي قعدته مابيتشبعش منها، والتخطيط للحوارات أو المصايب مالهاش طعم إلا معاه.. شكراً لكل صديق حقيقي عارف إني مش مثالي وعندي عيوب بس قرر يحتوي عيوبي وإن صداقتنا تبقى حقيقية فيها مواقف مثالية.
