جرب تجبر الخاطر واوعي تستني مقابل مع خربشة قلم إسماعيل محمد

اه يا دنيًا ….كلمه بنقولها كتير …داحنا غنيناها كمان …طول اليوم بنتكلم عن الدنيا وحال الدنيا …ماذا بعد …لا حال الدنيا هيتغير ولا احنا هنبطل كلام عن الدنيا وعميلاها …الا لو تاكدنا انها فانيه …وقت طال او قصر هيخلص علشان كده اتعامل مع الدنيا علي انك ضيف …ايون ضيق خفيف كمان …يعني مثلا لم بتروح تزور حد …ولا تسافر مع حد من صحابك ولا قريبك كام يوم في بيتهم بتبقي ضيف لطيف وخفيف …مبتسم …هادي …بتحاول تستمتع علي قدر متقدر باليومين دول …هي نفس القصه بس علي اكبر شويه …الاختلاف انك مش عارف الرحله مدتها قد ايه ….والاصعب انك مش عارف هتشوف ايه وايه …امشي علي نظريه …دنيًا ولازم تتعاش …هنتوجع اكيد …ومش علشان انك وحش ..لا علشان ده سنه الحياه …بص علي الانبياء اتوجعوا اذي …بص علي اللي فيها من زمان …قالوها زمان ملهاش امان كل يوم بحال …طب والحل …قولنا خليك ضيف خفيف فيها ….جرب تجبر الخاطر واوعي تستني مقابل ..جرب تسامح وبلاش تكابر ..جرب تهون كل صعب …تكبر دماغك جرب كده تقرب من ربنا من غير متكون عايز حاجه …علشان متبقاش مكسوف لم تطلب منه حاجه يبقي باب الود موصول وتقول ياااارب وانت مومن ومرتاح ومبسوط جرب تفتح الابواب المغلقه وتسيبك من كلام الناس …بس بشرط متنساش الحلال بين والحرام بين جرب …تسمع ….تسامح ….مش طالبه منك تكون ملاك …كل اللي انا عايزه ترجع انسان …الانسان الطيب بالفطره …ابو قلب ابيض …تشيل من عليه شويه التراب بتوع كلام الناس …والبقاء للاقوي …لا مفيش بقاء اصلا النهايه واحده للاقوي والضعيف ….البقاء للعمل الصالح …الخير …والطيبه …وجبر الخواطر … السيرة الطيبة ومش هنا …لا يوم متردد المظالم متقولش لازم اخد حقي …حقك وعوضك عند اللي خلقك …متقولش الدنيا جايه عليه ….قول ربنا يهون عليه بص حواليك كده ….اللي اتخصموا بقوا فين …والعدواه عملت ايه …؟الناس بتموت والقضايا لسه شغاله كل اللي اتغير اللالقاب المرحوم فلان …ورثه المرحرم …العدواه بتجيب عدواه وكره وحقد …الحب والتسامح والرضا بيجيب الخير ….وراحه البال …والاهم …متنساش انك ضيف …علموا انفسكم قبل اولادكم ان الحياه عطاء وليست حرب وانتقام …وان لا بقاء للاقوي بل للافضل والاقرب عند الله وعلي نيتكم ترزقون والله المستعان