ربيع المقرحى يكتب : الخطة ٤ / ٤ / ٢

فيه فرق بين خطة الدولة والموافقة على خدمة للأهالى .
١_ إدراج القرى بمشروع الصرف الصحى بالتبعية دى خطة دولة إلا القرى التى ليس لديها مكان أو أرض للمحطة يتم الموافقة فى حالة توافرها.
٢_ رصف الشوارع بالمدن والطرق الفرعية دى خطة دولة برضو بس ممكن شارع يترصف قبل شارع عادى مجاملة لحد مسئول ماشى بس فى الآخر كده كده هيترصف فى الخطة مش من جيب حد ولا واجب من حد
٣_ إنشاء كوبرى علوى أو محاور دى خطة دولة وتدرج بالتوالى يعنى مش عشان خاطر عيون حد الدولة هتقولك خد كوبرى .
٤_ إنشاء المدارس والإحلال والتجديد كل ده برضو خطة دولة وبالمناسبة عندنا ٧ مدارس إنشاء وإحلال وتجديد جديدة فى أبوقرقاص من ضمن برضو خطة الدولة .
٥_ إحلال وتجديد المستشفيات دى بقى خطة دولة برضو
من الآخر الدولة مش هتوافقلك على ملايين على شان خاطر عيونك
خطة الدولة أهم من الأشخاص بس الشاطر اللى يقول أنا اللى جبت وتيبقى الدولة هية اللى جابت .
وأخيرا اللى بيحصل إنت ممكن تنقل موظف من مكان لمكان ده بالحب ممكن تجيب كشافات لإنارة طريق ده بالحب بس برضو من دعم خطة الدولة .
ياريت بقى نرتقى ونجهز للإفادة الأكثر من تعديل قوانين وميزانية وغيره وغيره
الحكاية مش موافقة على الورق وهية أصلا توضيح من الدولة إنها مدرجة فى الخطة .